Fêbàè Èkpweba'a
Èmek
Èkpweba'a é ne zēn ê ya ê tá'á mam anê ñgê wo kándè mê mfá'á yà befátane báp. Bive'án bikpweba'a bí ne náa bí bilí baa betít, baa anòn, baa minlò, akeêke.
Fêbàè è ne zēn ê ya ê líti náa jôm é ne yénè ávál ê dá yà mevál ê mêbàé. Ève'án é ne náa bí ne jô na fóé-sí fóé-ka è ne bêbêlá ñgê ke náa é njí bo bêbêlá (vedá:
* Éyoñ bí á jô na fóé-sí fóé-ka é njí bo bêbêlá, nál'a a ê tinan ê ke náa fóé ète è ne minsòs.
* Éyoñ bí á jô na jame-sí jame-ka é ne bêbêlá, bí á ê jô ki náa jam éte é sê ñgul ya ê bo ê minsòs.
* Fóé è sê ñgule ya ê bo bêbêlá aa minsós nyênyáé èyoñ.
Fêbàè ékpweba'a è ne zēn ê ya ê tá'á mam mfá'á yà líti náa:
* Jame-sí jame-ka y'è été é ne bêbêlá; ñgê ke náa
* Bí sê ñgul ya ê jô na jam éte é ne bêbêlá; ñgê ke náa
* Jame-sí jame-ka y'è été è ne minsòs; ñgê ke náa
* Bí sê ñgul ya ê jô na jam éte é ne minsòs
Fêbàè ékpweba'a j'a beleban ábui bêvôm. Áfeñge ñgê ke ôvul étõt, fêbàè ékpweba'a j'a vólõ náa mõt á yem ñgê jam é ñgá boban ávál é ñgá toó na d'á yiane boban.
Èzêñ
Ébemvo'óé, fêbàè ékpweba'a j'a vólõ ñgeñgáñ ô zêñe õkòn.
Èzêñ é ne èvêmêle j'á líti náa jam é ne ávál ê mõt a a toó a sábe'e; ngê ke náa jam éte é ne étyamba'a ya ávál ê mõt a a toó a sábe'e. Èvêmêle ya ézêñ j'á belan aka'á bífíá.
Bêbêláa Èvêmêle:
Ève'án: Èvina a a tê kolè.
Bêbêláa Èvêmêle:
Ève'án: Èvina a a tê ku ê mbek.
Èjêjàé
Èjêjàé é n'õyílí w'á vêêban éyoñ mõt á mane ya búndi bivêmêle. Mbúndi a a bámêtan bivêmêle bíbàé; a a kômbõ yem:
* Ye ê jam ôsú ê nde é ñgá dasè ê dí baáa; ñgê ke náa
* Ye ê jam baáa é ne õnyut ê dí ôsú
Bibúnda'a bí á boban mimfá'á mínyin.
A. Bêbêláa Èkpwêkpwês
"Èvina a a tê kolè." ê nde "Èvina a a tê ku ê mbek."
Èjute "Bêbêláa Èkpwêkpwês" j'á líti náa jam d'á tê bobane anê d'á toó na d'á yiane boban. Ê mbôle Èvina a a tê kolè, ñkolán õte ñwô w'á tê bo náa Èvina á ku mbek. Ê váná, bí á kômbõ yemelan amú jé Évina a a tê ku. Bí á yíli náa Èvina a a tê ku ê mbek amú a a tê kolè.
B. Bêbêláa Èjõjõs:
"Èvina a a tê kolè." vedá "Èvina á njí ke ku ê mbek."
Èjute "Bêbêláa Èjõjõs" j'á líti náa jam é njí ke boban ávál ê d'á toó na d'á yiane boban. Akusábo Évina a a tê kolè, nál'á njí dasè mbe' Évina. Nál'a ne náa saáke éyoñ ése mõt a ê kolè ê nje a a ê ku (mõt a ne kolè vedá a te ke ku).
C. Ènyênyán Ékpwêkpwês:
"Èvina á njí ke kolè." vedá "Èvina a a tê ku ê mbek."
Èjut "Ènyênyán Ékpwêkpwês" j'á líti náa ê jam é njí toó na d'á boban ê nde d'á tê boban. Ê váná, bí á yên ê na Èvina a a tê ku ê mbek (èko-ziñ amú Évina a bôõ ê tyia). Tekee mõt a a tê yên Évina a kolè'è, aa Évina émíén a a jô na á njí ke kolè.
Õñgúñgús éfelan: bí á ê fas ke jé èfê j'á bê ñgul ya ê bo náa Èvina á ku mbek; bí á yi ve náa bí yem ñgê Évina a a tê kolè; ñgê ke náa ye ñkolán ñwô w'á tê bo náa Èvina á ku mbek.
D. Ènyênyán Èjõjõs:
"Èvina á njí ke kolè." aa "Èvina á njí ke ku ê mbek."
Èjut "Ènyênyán Èjõjõs" j'á líti náa ê jam é njí yiane ê boban é njí ke boban. Bí lõô na Èvina á njí ke ku ê mbek (èko-ziñ Èvina a têle têtelê ñgê ke náa a toó têtoó), aa éyoñ bí á fas, bí á wô'ô na Èvina á njí ke kolè.
Éyoñ mõt á mane ya ê búndi évêmêle aa bi ôyíli, èyoñ éte a ne bô'ô tawôlõ fêbàè ékpweba'a ávál ê dí:
Fêbàè Ékpweba'a
==================================
| Bêbêlá | Ènyênyán
--------------------------------------------
Èkpwêkpwês | Bêbêláa Èkpwêkpwês | Ènyênyán Èkpwêkpwês
--------------------------------------------
Èjõjõs | Bêbêláa Èjõjõs | Ènyênyán Èjõjõs
==================================
_("Binary Classification"/"Classification Binaire")_
--------------------------------------------
| True | False
--------------------------------------------
Positive | True Positive | False Positive
--------------------------------------------
Negative | True Negative | False Negative
==================================
Èvêmêle ê Bifas Bíbàé _("A Statement with two Parts")_
======================
Biyoñ biziñ, èvêmêle _("statement")_ é ne bi ê bifas bíbàé. Ève'án é ne:
A. Andôñ a a kone ntúí aa mís mê mane ya ê nye vús.
Ê váná, b'á kate bía náa "Andôñ a a kone ntúí"; vedá jam afê d'á yénè ê be Andoñ: "Mís m'Ándôñ mê mane ya ê vús". É ne bo náa mam mête mê ê tií ki amú bí á yeme náa mõt a ne kone ê ntúí vedá mís mê teke nyê vús. É ne fe bo náa mís m'á vús ê mõt akusábo náa a ê kone ê ke ntúi.
Èdósan ya ê bidí a a yê'êle miñgeñgáñ na ñgê mí yênê mõt a kone ntúí aa mís ê mé mê mane ya ê vús, èko-ziñ jam ét'è é tií aa èvimbi ñgòn (mfíáñ ñgê ke ñnám). Ajô tê ñgeñgáñ ô ne fe dôm ê èvêmêle mfê aná:
B. Andôñ a a tê dí ñnám ê ñgon ô sê ke mbêlán.
Évêmêle jíná é bilí bifas bíbàé: "Andôñ a a tê dí ñnám ê ñgon" aa "Ñnám ê ñgon Ándôñ a a tê dí ô njí ke bê mbêlán." (Õñgúñgús ê jam: bí á jô ke na ñnám ê ñgon ôte ô mbê nyumín; bí á jô na ô njí ke bé. Nál'a ne náa bê ñgá tátè náa b'á yám ñnám ñgon vê Andôñ a ñgá dí ñnám ôte ô ñgá'á teke bé).
Èjêjàé
A. Bêbêláa Èkpwêkpwês
"Andôñ a a tê dí ñnám ê ñgòn ô sê ke mbêlán."; ê nde "Andôñ a a kon ntúí aa mís mê mane ya ê ne vús."
Èjut "Bêbêláa Èkpwêkpwês" j'á CT for tinane náa jam d'á tê bobane anê d'á toó na d'á boban.
B. Bêbêláa Èjõjõs:
"Andôñ a a tê dí ñnám ê ñgòn ô sê ke mbêlán."; vedá "Andôñ a ê kon ê ke ntúí aa mís mê njí ke nyê vús."
Èjut "Bêbêláa Èjõjõs" j'á tinane náa jam é njí ke boban ávál ê d'á toó na d'á yiane boban.
C. Ènyênyán Ékpwêkpwês:
"Andôñ á njí ke dí ñnám ê ñgòn."; vedá "Andôñ a a kon ntúí aa mís mê mane ya ê nye vús."
Èjut "Ènyênyán Ékpwêkpwês" j'á titane náa ê jam é njí toó na d'á boban ê nde d'á tê boban.
D. Ènyênyán Èjõjõs:
"Andôñ á njí ke dí ñnám ê ñgòn ô sê ke mbêlán." (Nál'a ê tinan ê ke náa Andôñ a a tê dí ñnám ê ñgòn ô nê mbêlán) aa "Andôñ a ê kon ê ke ntúí aa mís mê njí nye vús."
Èjut "Ènyênyán Èjõjõs"_ j'á tinane náa ê jam é njí toó na d'á boban é njí ke boban.
Mimfèfè Bífíá
ê búndi: _("to examine"/"éxaminer")_
èbúnda'a: _("examination")_
mbúndi: _("examiner"/"Éxaminateur")_
èbemvo'óé: _("healthcare")_
ê dasè: _("to cause causer")_
èdasè: _("(a/the) cause/cause")_
èdósan: _("experience")_
ê dôm: _("to consider")_
éfelan: _("detail")_
èjêjàé: _("outcome")_
èjõjõs: _("negative")_
ê jut: _("to propose")_
èjut: _("proposition")_
èkpweba'a: _("Classification")_
ê kpwês: _("to propose")_
èkpwês: _("proposition")_
ènyênyán: _("false")_
ènyênyán éjõjõs: _("false negative")_
ènyênyán ékpwêkpwês: _("false positive")_
ètõt: _("management")_
èvimbi: _("consumption")_
fêbàè: _("binary")_
fêbàè ékpweba'a: _("binary classification")_
nyênyáé (nyênyáé èyoñ): _("same, at the same time")_).
õfeñge: _("crise")_
õñgúñgús: _("important")_
õnyut: _("consequence/conséquence")_
ôvul: _("catastrophe")_
ôvul étõt: _("catastrophe management")_
ê sábe: _("to hope"/"espérer")_
èsábe: _("(some) hope"/"espoir")_
ê tyambe: _("to oppose"/"opposer")_
ètyamba'a: _("opposite")_
ètyambe: _("opposition")_
ê vêmêle: _("to state, to make a statement")_
èvêmêle: _("statement")_
ê zêñ: _("to diagnoze"/"diagnostiquer")_
èzêñ: _("diagnostic")_